Frískúlin í Havn lat dyrnar upp í august 2007.
Skúlin er grundaður á námsfrøðiligar áskoðanir.

Skúlin møtir barninum har tað er menningarliga. Skúlin virkar fyri at barnið, gjøgnum hóskandi virksemi í einum stimbrandi og tryggum umhvørvi, mennist og lærir og upplivir gleði í skúladegnum. Skúlin leggur dent á at skapa ein felagsskap, sermerktur av virðing og umsorgan fyri hvørjum øðrum.

Læring er ein aktiv process í næminginum. Fyri at læra krevst tíð og tryggleiki. Næmingurin skal hava tíð og rúm til at uppdaga, leggja til merkis, eksperimentera, reflektera og eisini at venja og automatisera.

Sosial interaktión er ein týdningarmikil partur av læring. Næmingar læra og mennast gjøgnum uppliving-ar, royndir og í interaktión við ymiskt tilfar.